2024-yil 26-oktyabr kuni Mari davlat universitetida atoqli sog‘liqni saqlash tashkilotchisi, akademik N.A.Semashko tavalludining 150 yilligiga bag‘ishlangan bolalar kasalliklari bo‘yicha II-Hududlararo talabalar olimpiadasi bo‘lib o‘tdi.

ToshPTI II-Pediatriya fakultetining 5-bosqich talabalaridan iborat «Pediatric Aid» jamoasini quyidagi talabalar taqdim etdi:
1) Xusanjonov Shahzoda 529-II ped.
2) Mingboyeva Sevinchxon 530-II ped.
3) Qodiova Nafisa 531-II ped.

Olimpiada 3 bosqichda o‘tkazildi. Birinchi bosqichda jamoalar umumiy pediatriya bo‘yicha test topshiriqlarini bajarishdi. Ikkinchi bosqich «Intellektual o‘yin» formatida o‘tkazildi. 3-bosqichda dastlabki saralashdan o‘tgan jamoalarga bolalar kasalliklari bo‘yicha 2 ta klinik topshiriq berildi. Olimpiadada Rossiya, O‘zbekiston va Qirg‘izistondan 12 ta jamoa ishtirok etdi.

Umumiy hisobda «Pediatric Aid» jamoasi 183,95 ball to‘plab, faxrli birinchi o‘rinni egalladi;
Ikkinchi o‘rin Pirogov nomidagi RNIMUning «Kinderlar» jamoasiga 164,37 ball bilan nasib etdi;
Uchinchi o‘rinni «Salomatlik posbonlari» jamoasi 146,21 ball bilan egalladi.

«SMART LEARN» FUNDAMENTAL TIBBIYOT OLIY MAKTABI BOLALAR KASALLIKLARI OLIMPIADASIGA HOMIYLIK QILDI.
Olimpiada g‘oliblari uchun maktab kurslariga kirish imkoniyati yaratildi.
1-o‘rin – 100% chegirma;
2-o‘rin – 50% chegirma;
3-o‘rin – 30% chegirma.

Institut rahbariyati va jamoasi talabalarni va jamoa ilmiy rahbari t.f.n., 2-son Gospital pediatriya va xalq tabobati kafedrasi dotsenti Sh.M.Kuryazovani tabriklaydi va kelgusidagi faoliyatiga katta muvaffaqiyatlar tilaydi.