Toshkent pediatriya tibbiyot instituti Kuzatuv Kengashining 2022-yil 27-sentabrdagi 3-sonli Majlisi bayonnomasida institutning yangi tuzilmasi tasdiqlandi, unga ko’ra institut matbuot kotibi lavozimi asosida Toshkent pediatriya tibbiyot instituti Matbuot xizmati faoliyati tashkil etilib, institutning byudjetdan tashqari mablag’lari hisobidan moliyalashtiriladigan 2 ta shtat birligi ajratilib, Toshkent pediatriya tibbiyot instituti Matbuot xizmati to’g’risidagi Nizom tasdiqlandi.

Matbuot xizmatining asosiy vazifalari:

institut faoliyati haqida ommaviy axborot vositalari (keyingi o‘rinlarda – «OAV» deb yuritiladi), ijtimoiy tarmoqlar, institutning rasmiy veb-sayti, shuningdek, boshqa axborot resurslari orqali, shu jumladan matbuot anjumanlari, brifinglar, media-turlar tashkil etish yo‘li bilan aholiga muntazam, to‘liq va tezkor ravishda axborot taqdim etib borish;

institutning ijobiy imijini shakllantirish va ilgari surish, ijtimoiy so‘rovlar o‘tkazish va boshqa shakllarda jamoatchilik fikrini o‘rganish;

axborot siyosati sohasida zimmasiga yuklangan vazifalarni amalga oshirishda O‘zbekiston Respublikasi Oliy va o‘rta maxsus ta’lim vazirligi Axborot xizmati bilan samarali amaliy hamkorlikni yo‘lga qo‘yish;

OAV bilan samarali hamkorlik qilish, xizmat bilan doimiy ishlovchi jurnalistlar va blogerlar doirasida tezkor ma’lumotlarni tarqatish maqsadida ekspertlar guruhini shakllantirish;

muntazam ravishda OAVda Institut rahbarlarining chiqishlarini tashkil etish;

axborot makoni monitoringini olib borish va tahlil qilish, tanqidiy va keng muhokama qilinayotgan axborot xurujlariga tezkor munosabat bildirish, OAV va Internet tarmog‘ida institut faoliyatiga aloqador axborotni tarqatish bo‘yicha ishlarni tashkil qilish;

institut bilan birgalikda mahalliy va xorijiy OAV orqali tarqatish uchun xabar, ma’lumot, sharh va boshqa axborot-tahliliy materiallar  tayyorlash;

institut faoliyati to‘g‘risida jamoatchilik fikrini, milliy va xorijiy OAVning pozitsiyasini o‘rganish, dolzarb takliflar ishlab chiqish va ular to‘g‘risida institut rahbariyatiga axborot berib borish;

institut faoliyatini xorijiy OAVda sifatli yoritish maqsadida vakolatli vazirliklar va idoralar orqali O‘zbekiston Respublikasining xorijdagi diplomatik vakolatxonalarini, shuningdek, xorijiy mamlakatlarning O‘zbekistondagi diplomatik vakolatxonalarini axborot materiallari (bosma mahsulotlar, foto-, audio-, videomateriallar va h.k.) bilan ta’minlash;

institutning faoliyatiga aloqador matnli, foto-, audio- va videomateriallardan iborat ma’lumotlar bazasini shakllantirish va yangilab borish.

Hurmatli jurnalistlar!

Toshkent pediatriya tibbiyot instituti va institut klinikasi hududida suratga olish faqat Matbuot xizmati bilan yozma kelishuvdan so’ng amalga oshiriladi.

Toshkent pediatriya tibbiyot instituti va institut klinikasi hududida va / yoki binolarida intervyu yoki video va suratga olish uchun ommaviy axborot vositalarini akkreditatsiyadan o’tkazish maqsadida Matbuot xizmatiga rasmiy so’rov yuborishni so’raymiz (rasmiy shaklda).

So’rovda quyidagi ma’lumotlar bo’lishi lozim:
– tashkilot nomi (OAV)
– to’liq manzil
– ariza beruvchining F.I.Sh.
– telefon raqami
– elektron pochta manzili
– so’rov tavsifi (ssenariy, savollar, suratga olish joylari va bo’lajak spikerlar bilan bog’liq takliflar va boshqalar).
– suratga olish yoki intervyu kuni.

Akkreditatsiyaddan o’tish uchun so’rovning namunasini yuklab oling >>>

Ommaviy axborot vositalarini akkreditatsiyadan o’tkazish va veb-saytda ma’lumotlarni joylashtirish uchun kontakt ma’lumotlar

E-mail: press@tashpmi.uz

Matbuot xizmati rahbari – Institut matbuot kotibi – Abidov Xasanxodja Alisherovich
Telefon: +998-71-260-38-48
Elektron pochta: press@tashpmi.uz, kabidov@tashpmi.uz