Toshkent pediatriya tibbiyot instituti O’quv sihlari bo’yicha prorektori, t.f.d., professor Qahramon Xaitov boshchiligidagi delegatsiya Qozog’iston Respublikasi Chimkent shahrida joylashgan Janubiy Qozog‘iston tibbiyot akademiyasining 45-yilligi munosabati bilan tashkil etilgan Xalqaro ilmiy-amaliy anjumanda ishtirok etdi.

Tadbir doirasida delegatsiya a’zolari Toshkent pediatriya tibbiyot instituti rahbariyati va jamoasi nomidan
Janubiy Qozog‘iston tibbiyot akademiyasining 45-yilligi munosabati bilan hamkor oliygohga tabriklarni yetkazib, tibbiyot sohasidagi dolzarb mavzular yuzasidan o‘z bilim va tajribalarini o‘rtoqlashdi.

Hamkorlikni mustahkamlash va mintaqaviy tibbiyot yutuqlari bilan tanishish maqsadida tashkil etilgan mazkur anjuman doirasida ikki tibbiyot oliy ta’lim muassalari o’rtasidagi o’zaro manfaatli hamkorlik masalalari muhokama qilindi.