Bugungi kunda qator oliy ta’lim muassasalarida akademik registrator ofislari faoliyati yo‘lga qo‘yilgan bo‘lib, u 40 ga yaqin turdagi xizmatlar bilan shug‘ullanadigan markazlashgan bo‘linma hisoblanadi.

Registrator ofisi talabalarning shaxsiy hujjatlarini arxivgacha saqlash, “Registrator” ma’lumotlar bazasini shakllantirish va muntazam yangilash, transkriptni yuritish va unga talabalarning baholarini kiritish, bitiruvchilarning diplomlarini rasmiylashtirish va taqdim etish, talabalar kontingenti bo‘yicha statistika yuritish kabi vazifalarni amalga oshiradi.

Xususan, Toshkent pediatriya tibbiyot institutida akademik registrator ofisi tashkil etilgan bo‘lib, ofisda 32 turdagi xizmat turi bo‘yicha, shu jumladan bitiruvchilarga 4 ta darchadan diplomlarni berish xizmati tashkil qilingan.