2020-2021 o‘quv yiliFakultet ichki kasalliklari, HDT, kasb kasalliklari, gospital ichki kasalliklari, IKP kafedrasidama’naviy-ma’rifiy ishlari yo‘nalishibo‘yicha olib borilayotgan ishlari.
Birinchi o‘quv soatlari «Mustakillik darslari»ini o‘tkazish bilan boshlanib, Respublikamizda o‘tgan 29 yil davomida kiritilgan yutuqlar, hamma sohalarda olib borilayotgan isloxotlar natijasida yurtimizda kechayotgan o‘zgarishlar mohiyati talabalarga to‘laqonli qilib etkazildi.
TTAS-ta’lim,tarbiya, axborot soatlari va murabbiylik ishlari har bir akademik guruhda olib borilmoqda, yana pedagoglar tomonidan talabalarga yurtimizda olib borilayotgan isloxotlarga doir xabarlar va dunyo yangiliklari xaqidagi ma’lumotlar, hamda O‘zbekiston Respublikasi Prezidenti Shavkat Mirziyoyevning nutqlari, buyruqlari, Farmonlari, Qarorlari, Vazirlar Mahkamasi qarorlari, Vazirlik Hay’ati qarorlari, buyruqlari ma’naviy-ma’rifiy va ta’lim sohasidagi bunyodkorlik ishlari bilan tanishtiruv ishlari muntazam olib borilmoqda.
«Buyuk ajdodlarimizni xotirlab»mavzusida 26.11.20 yilda o‘tkazilgan tadbirda talabalarimiz Ma’mun akademiyasi haqida, u erda ijod qilgan o‘z zamonasining etuk faylasuflari, olimlari, mutafakkirlari bilan tanishib, yana ajdodlarimizdan-Ovro‘pada Avitsenna nomi bilan mashhur bo‘lgan,tabobat ilmi taraqqiyotiga ulkan hissa qo‘shgan,vatandosh allomalarimizdan biri -Abu Ali ibn Sinoni tarjimai-holi va hayot yo‘li bilan tanishib, Ibn Sino asarlari bilan, tabobat fani sohasidagi buyuk xizmatlari haqida chuqur ma’lumotga ega bo‘ldilar.
Kafedra hodimlari noyabr oyida Yunusobod tumanida joylashgan 50-oilaviy poliklinika jamoasi faollari orasida Davlat Dasturida belgilangan vazifalar asosida Covid-19 ga qarshi kurash choralarini targ‘ib qilishga bag‘ishlangan tadbirni tashkillashtirish va o‘tkazishda faol ishtirok etdilar.
Har bir akademik guruhda dekabr oyida Konstitutsiyamiz haqidagi ma’lumotlar va Prezidentimiz tomonidan imzolangan “KONSTITUTSIYAGA O‘ZGARTISH VA QO‘SHIMCHALAR KIRITISH HAQIDAGI QONUN” mazmun-mohiyati talabalarga yetkazildi.
Kafedra xodimlari Yunus-obod tumani Oqtepa mahallasida 9-may Xotira va qadirlash kuniga bag’ishlangan hayriya tadbirini o’tkazdilar
