Patologik anatomiya kafedrasi 1972 yili tashkillashtirilgan. Birinchi kunlaridan boshlab to 1999 yilga qadar kafedraning doimiy rahbari Alimov Vali Alimovich (1924-2013) bo`lib kelgan. Vali Alimovich Toshkent tibbiyot instituti bitiruvchisi, patologoanatom, t.f.d. professor (1970), sog’liqni saqlash a’lochisi, Toshkent shahrining etakchi patologoanatomi. Kafedra faoliyati birinchi navbatda uning nomi bilan bog’liq. V.A. Alimov rahbarligida o`ndan ziyod kafedrada xodimlari keyinchalik fan nomzodlari va doktorlari bo`lib yetishdi, SAMPI va Respublikadagi boshqa OTMlarining kafedralarida mehnat faoliyatlarini olib bordilar. Kafedra ish faoliyati boshlanishi bilan birga V.A. Alimov tomonidan ilmiy laboratoriya tashkil etildi va patologoanatomlarning o’ziga xos maktabi yaratildi. Turli vaqtlarda kafedra laboratoriyasi SSSR va Rossiyaning yetakchi patologoanatom maktablari bilan hamkorlikda ilmiy-tadqiqot faoliyatini amalga oshirib kelgan. Patologik anatomiya kafedrasi Toshkent tibbiyot akademiyasi patologik anatomiya kafedrasi bilan yaqindan hamkorlik qiladi, shuningdek, ToshPTI Nukus filialining patologik anatomiya kafedrasi faoliyatiga yordam beradi. Qator yillar davomida kafedrada t.f.n dotsent A.S. Alfitayev, t.f.n. dotsent N.A. Suxanos kabi iqtidorli pedagoglar faoliyat yuritgan. 2012 yidan boshlab bugungi kunga qadar sud ekspertizasi kafedrasi bilan hamkorlikda faoliyat yuritadi.
O'zbekiston Respublikasi Davlat Gerbi
O'zbekiston Respublikasi Davlat Gerbi
O`zbekiston Respublikasi Davlat gerbi yuqordagi ko`rinishga ega: tog`lar, daryolar va so`l tomoni bug`doy boshoqlaridan, o`ng tomoni esa chanoqlari ochilgan g`o`za shoxlaridan iborat chambarga o`ralgan gullagan vodiy uzra quyosh zarrin nurlarini sochib turadi. Gerbning yuqori qismida Respublika hurligining ramzi sifatida sakkizburchak tasvirlangan bo`lib, uning ichki qismida yarim oy va yulduz tasvirlangan. Gerbning markazida baxt va erksevarlik ramzi - qanotlarini yozgan Humo qushi tasvirlangan. Gerbning pastki qismida O`zbekiston Respublikasi Davlat bayrog`ini ifoda etuvchi chambar lentasining bantida «O‘zbekiston» deb yozib qo`yilgan. O`zbekiston Respublikasi Davlat gerbining rangli ko`rinishida: Humo qushi va daryolar - kumush rangida; quyosh, boshoqlar, paxta chanoqlari va «O‘zbekiston» yozuvi - oltin rangida; g`o`za shoxlari va barglari, tog`lar va vodiy - yashil rangda; chanoqlardagi paxta - oq rangda; lenta - O`zbekiston Respublikasi Davlat bayrog`ining ranglarini aks ettiruvchi uch xil rangda; sakkizburchak - oltin zarhal bilan hoshiyalangan holda havo rangda; yarim oy va yulduzlar - oq rangida tasvirlangan.
O'zbekiston Respublikasining Davlat Bayrog'i
O'zbekiston Respublikasining Davlat Bayrog'i
"O'zbekiston Respublikasi Davlat bayrog'i to'g'risida" gi qonun 1991 yil 18-noyabrda O'zbekiston Respublikasi Oliy Kengashining navbatdan tashqari o'tkazilgan VII sessiyasida qabul qilingan. Davlat bayrog'i va uning ramzi bugungi O'zbekiston sarhadida qadimda mavjud bo'lgan davlatlar bilan tarixan bog'liqligini anglatadi hamda respublikaning milliy-madaniy an'analarini o'zida mujassamlashtiradi. Bayroqdagi moviy rang tiriklik mazmuni aks etgan mangu osmon va obihayot ramzi. Timsollar tilida bu - yaxshilikni, donishmandlikni, halollikni, shon-shuhrat va sadoqatni bildiradi. Binobarin, Amir Temur davlati bayrog'ining rangi ham moviy rangda edi. Bayroqdagi oq rang - muqaddas tinchlik ramzi bo'lib, u kun charog'onligi va koinot yoritkichlari bilan uyg'unlashib ketadi. Oq rang – poklik, beg'uborlik, soflikni, orzu va hayollar tozaligi, ichki go'zallikka intilishning timsoli. Yashil rang – tabiatning yangilanish ramzi. U ko'pgina xalqlarda navqironlik, umid va shodumonlik timsoli hisoblanadi. Qizil chiziqlar – vujudimizda jo'shib oqayotgan hayotiy qudrat irmoqlarini anglatadi. Navqiron yarim oy tasviri bizning tarixiy an'analarimiz bilan bog'liq. Ayni paytda u qo'lga kiritilgan mustaqilligimiz ramzi ham. Yulduzlar barcha uchun ruhoniy, ilohiy timsol sanalgan. O'zbekiston Respublikasi Davlat bayrog'idagi 12 yulduz tasviri ham tarixiy an'analarimiz, qadimgi yilnomamizga bevosita aloqador. Bizning o'n ikki yulduzga bo'lgan e'tiborimiz O'zbekiston sarhadidagi qadimgi davlatlar ilmiy tafakkurida nujum ilmi taraqqiy etganligi bilan ham izohlanadi. Davlat bayrog'imizdagi 12 yulduz tasvirini o'zbek xalqi madaniyatining qadimiyligi, uning komillikka, o'z tuprog'ida saodatga intilishi ramzi sifatida tushunish lozim.
O'zbekiston Respublikasining Davlat Madhiyasi
O'zbekiston Respublikasining Davlat Madhiyasi
O`zbekiston Respublikasi Davlat madhiyasining matni va musiqasi O`zbekiston Respublikasining 1992 yil 10 dekabrdagi 768-XII-sonli "O'zbekiston Respublikasining Davlat madhiyasi to'g'risida"gi Qonuni bilan tasdiqlangan. O`zbekiston Respublikаsining Dаvlаt mаdhiyasi O`zbekiston Respublikаsi Dаvlаt suverenitetining rаmzidir. O`zbekiston Respublikаsining Dаvlаt mаdhiyasigа zo`r ehtirom bilаn qаrаsh O`zbekiston Respublikаsi hаr bir fuqаrosining vаtаnpаrvаrlik burchidir.
Mutal Burhonov musiqasi
Abdulla Oripov so'zi
Serquyosh hur o'lkam, elga baxt, najot,
Sen o'zing do'stlarga yo'ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!
Naqarot:
Oltin bu vodiylar - jon O'zbekiston,
Ajdodlar mardona ruhi senga yor!
Ulug' xalq qudrati jo'sh urgan zamon,
Olamni mahliyo aylagan diyor!
Bag'ri keng o'zbekning o'chmas iymoni,
Erkin, yosh avlodlar senga zo'r qanot!
Istiqlol mash'ali tinchlik posboni,
Xaqsevar, ona yurt, mangu bo'l obod!
Naqarot:
Oltin bu vodiylar - jon O'zbekiston,
Ajdodlar mardona ruhi senga yor!
Ulug' xalq qudrati jo'sh urgan zamon,
Olamni mahliyo aylagan diyor!
Ishonch telefoni: +998-71-262-33-20
Telegram-botga o'tish
Mahsus imkoniyatlar